FD मुदतपूर्वी तोडण्याचा विचार करताय? तर करत आहात हि चूक...

लोक भविष्याची आर्थिक सुरक्षितता सुनिश्चित करण्यासाठी फिक्स्ड डिपॉझिट (FD) मध्ये गुंतवणूक करतात. यामुळे भविष्यात आर्थिक अडचणी आल्यास त्यांना सुरक्षित ठेवता येते. मात्र, काही वेळा अचानक पैशांची गरज भासल्याने गुंतवणूकदारांना FD मुदतपूर्वी तोडावी लागते, ज्यामुळे त्यांना अपेक्षित व्याज कमी मिळते किंवा काही प्रमाणात आर्थिक नुकसान सहन करावे लागते.

FD म्हणजे काय आणि ती किती कालावधीसाठी असते?
आजकाल लोक बचतीसाठी वेगवेगळ्या गुंतवणूक पर्यायांचा विचार करतात. त्यापैकी FD हा कमी जोखमीचा आणि हमखास परतावा देणारा पर्याय आहे. वेगवेगळ्या बँका आणि वित्तीय संस्था 1 वर्ष ते 10 वर्षांच्या कालावधीसाठी FD उपलब्ध करून देतात. कालावधीनुसार व्याजदर वेगळे असतात, त्यामुळे गुंतवणूकदार आपल्या गरजेनुसार योग्य FD योजना निवडू शकतो.

FD मुदतपूर्वी तोडल्यास होणारे नुकसान :
FD ची निश्चित मुदत पूर्ण होण्याआधी ती मोडल्यास खालीलप्रमाणे नुकसान होऊ शकते –

प्री-मैच्युरिटी पेनल्टी: बँका ठराविक शुल्क आकारतात.
व्याज कपात: तुमच्या FD वरील व्याजाचे गणित बदलले जाते आणि तुम्हाला कमी व्याजदर लागू केला जातो.
अपेक्षित परतावा मिळत नाही: दीर्घकालीन गुंतवणुकीचा फायदा मिळत नाही.

उदाहरणार्थ, 5 लाख रुपयांपर्यंत FD तोडल्यास 0.50% पेनल्टी आकारली जाऊ शकते, तर 5 लाखांपेक्षा जास्त आणि 1 कोटींपेक्षा कमी रकमेवर 1% पेनल्टी लागू होऊ शकते. त्यामुळे FD मुदतपूर्वी तोडण्यापूर्वी त्याचा विचार करावा.

FD मुदतपूर्वी तोडण्याचे नुकसान कसे टाळावे?

छोट्या कालावधीच्या FD निवडा: जर भविष्यात पैशांची गरज भासण्याची शक्यता असेल, तर मोठ्या कालावधीऐवजी लहान कालावधीच्या FD मध्ये गुंतवा.
रक्कम विभाजित करा: एकाच वेळी मोठी FD करण्याऐवजी लहान-लहान रकमेच्या वेगवेगळ्या FD करा, जेणेकरून अचानक गरज पडल्यास फक्त एक किंवा दोन FD मोडता येतील आणि उर्वरित गुंतवणूक सुरक्षित राहील.
FD तोडण्याऐवजी Loan घ्या: जर मोठ्या आर्थिक गरजेपोटी FD तोडण्याचा विचार करत असाल, तर त्याऐवजी FD वर कर्ज घेण्याचा पर्याय निवडा, त्यामुळे तुमची गुंतवणूक आणि व्याज दोन्ही सुरक्षित राहील.

FD करणे फायदेशीर कसे ठरेल?
जर तुमच्याकडे 5 लाख रुपये असतील, तर त्याला 1-1 लाख रुपयांच्या पाच वेगवेगळ्या FD मध्ये गुंतवा. यामुळे अचानक पैशांची गरज भासल्यास फक्त काही FD मोडता येतील आणि उर्वरित गुंतवणूक चालू राहील. याशिवाय, FD तोडण्याऐवजी त्यावर कर्ज घेणे अधिक फायदेशीर ठरते, कारण त्यामुळे व्याजाचे नुकसान होत नाही आणि आर्थिक गरजही भागते.