शनिवारी कोलकाता नाईट रायडर्स (KKR) आणि रॉयल चॅलेंजर्स बंगळुरू (RCB) यांच्यातील आयपीएल 2025 (IPL 2025) च्या पहिल्याच सामन्यात मोठा गोंधळ पाहायला मिळाला. एडन गार्डन्स स्टेडियममध्ये एका चाहत्याने सुरक्षा तोडून थेट मैदानावर धाव घेतली आणि विराट कोहलीच्या पाया पडला. हा प्रकार कोहलीने अर्धशतक पूर्ण केल्यानंतर घडला.
सुरक्षेच्या दृष्टीने हा मोठा मुद्दा असल्याने कोलकाता पोलिसांनी त्या चाहत्याला ताब्यात घेतले. मात्र, या घटनेवर बीसीसीआयचे उपाध्यक्ष राजीव शुक्ला यांनी सोशल मीडियावर एक पोस्ट करत “विराट कोहलीची जबरदस्त फॅन फॉलोइंग” असल्याचे म्हटले. त्यांच्या या विधानामुळे मोठा वाद निर्माण झाला, कारण त्यांनी सुरक्षा उल्लंघनाच्या गंभीर मुद्द्यावर प्रतिक्रिया देण्याऐवजी चाहत्यांच्या प्रेमाचा उत्सव साजरा केल्यासारखं वाटलं.
हरभजन सिंगच्या वक्तव्यावर वाद,’विवादित’ टिप्पणीवर सोशल मीडियावर नाराजी
राजीव शुक्लांच्या या विधानावर अनेक क्रिकेटप्रेमींनी नाराजी व्यक्त केली. अनेकांनी त्यांना प्रश्न विचारत खेळाडूंच्या सुरक्षेबाबत अधिक गंभीर भूमिका घेण्याची मागणी केली. खासकरून, मैदानावर प्रेक्षकांनी घुसण्याच्या घटना किती धोकादायक ठरू शकतात, हे यापूर्वीही दिसून आले आहे. त्यामुळे, शुक्ला यांची प्रतिक्रिया ही या मुद्द्याचे गांभीर्य कमी करणारी वाटली, असा आरोप काही चाहत्यांनी केला.
कोहलीने अर्धशतक पूर्ण केल्यानंतर काही क्षणातच एक चाहत्याने मैदानाच्या कुंपणावरून उडी मारली आणि धावत जाऊन विराटच्या पाया पडला. कोहलीच्या सुरक्षारक्षकांनी त्वरित हस्तक्षेप करत त्याला दूर केले आणि त्यानंतर पोलिसांनी त्या व्यक्तीला अटक केली.
मुंबई इंडियन्सचा नवा फिरकीपटू, पहिल्याच सामन्यात जबरदस्त खेळी
यापूर्वीही अशा घटना झाल्या आहेत जिथे चाहत्यांनी मैदानावर घुसून क्रिकेटपटूंची भेट घेण्याचा प्रयत्न केला आहे. मात्र, खेळाडूंच्या सुरक्षेचा विचार करता, अशा घटना गांभीर्याने घेण्याची गरज आहे.
सामन्यात KKR ने पहिले फलंदाजी करत 174 धावांचा टार्गेट दिला. अजिंक्य रहाणेने 56 धावा, तर सुनील नरीनने 44 धावा केल्या. पहिल्या तीन षटकांतच KKR ने क्विंटन डी कॉकचे विकेट गमावले, पण रहाणे आणि नरीन यांनी 103 धावांची भागीदारी केली. मात्र, राशिक सलामने ही जोडी फोडली. त्यानंतर जोश हेजलवूड आणि क्रुणाल पांड्याने नियमित अंतराने विकेट घेत KKR ला मोठी धावसंख्या उभारू दिली नाही.
RCB च्या डावाला दमदार सुरुवात मिळाली. फिल सॉल्ट (56) आणि विराट कोहली (59) यांनी पहिल्या षटकांपासूनच आक्रमक फलंदाजी केली.* विशेषतः सॉल्टने तुफान फटकेबाजी करत पॉवरप्लेमध्ये RCB ला 80 धावांपर्यंत पोहोचवलं. हा RCB च्या IPL इतिहासातील दुसऱ्या क्रमांकाचा सर्वोच्च पॉवरप्ले स्कोअर ठरला.
IPL 2025 च्या समालोचन पॅनलमधून इरफान पठाणला वगळले ? जाणून घ्या कारण
कोहलीने नाबाद राहात संघाला विजय मिळवून दिला. लियाम लिविंगस्टोनच्या साथीने त्याने 17व्या षटकात सामना जिंकला. विराट कोहलीवर चाहत्यांचे प्रेम जबरदस्त आहे, पण खेळाडूंची सुरक्षा ही सर्वात महत्त्वाची बाब आहे. त्यामुळे अशा घटनांकडे गांभीर्याने पाहणं आवश्यक आहे. राजीव शुक्लांच्या विधानावर प्रेक्षक संतापले असून, BCCI कडून यावर ठोस भूमिका घेतली जाते का, हे पाहणे महत्त्वाचे ठरणार आहे.
