दिग्दर्शक किरण राव यांचा ‘लापता लेडीज’ हा चित्रपट भारतातून ऑस्करसाठी पाठवण्यात आला होता. मात्र, ऑस्करने या चित्रपटाची निवड केली नाही. त्यानंतर, भारताने ऑस्करसाठी पाठवलेल्या चित्रपटांच्या मुद्द्यांवरून देशात चर्चा सुरू झाली. त्याचप्रमाणे अभिनेत्री आणि खासदार कंगना रनौतने यावर धाडसी प्रतिक्रिया दिली आहे. तिने ऑस्करसाठी निवडलेल्या चित्रपटांवर टीका केली आहे.
गेल्या काही दिवसांपासून कंगना तिच्या आगामी ‘इमर्जन्सी’ चित्रपटाच्या प्रमोशनसाठी विविध मुलाखती देत आहे. अशाच एका मुलाखतीत कंगनाने ऑस्करबद्दल आपले मत व्यक्त केले. कंगनाने म्हटले आहे की ज्या चित्रपटांमध्ये भारताचे वाईट चित्रण केले जाते तेच चित्रपट ऑस्करसाठी निवडले जातात. याबद्दल ती पुढे म्हणाली, “सहसा ते भारतासाठी जो अजेंडा पुढे आणतात तो खूप वेगळा असतो. ऑस्करमध्ये भारतविरोधी चित्रपट निवडले जातात. आताही असा एखादा चित्रपट आहे ज्याला लोकांकडून खूप प्रेम मिळत आहे,
त्याबद्दल मी खूप उत्साहित होते. मी त्या चित्रपटाच्या दिग्दर्शकाला असे म्हणताना ऐकले की भारतात, धार्मिक असहिष्णुतेमुळे, तुम्हाला हवे तसे प्रेम करण्याचे स्वातंत्र्य नाही. मी चित्रपट पाहिलाही नाही. ऑस्करसाठी, असा चित्रपट हवा आहे जो देशाचे वाईट चित्रण करतो. स्लमडॉग मिलेनियर, इत्यादी. तो नेहमीच असा चित्रपट असावा जो देशाचे वाईट प्रकाशझोत दाखवतो.”
“इमर्जन्सी हा अशा प्रकारचा चित्रपट नाही. आज भारत कसा आहे हे पाहण्यासाठी पाश्चिमात्य देश सज्ज आहेत. मला या पुरस्कारांची कधीच पर्वा नव्हती. मला भारतीय किंवा पाश्चिमात्य पुरस्कारांची अजिबात पर्वा नाही. हा चित्रपट उत्कृष्टपणे बनवला गेला आहे आणि कोणत्याही आंतरराष्ट्रीय चित्रपटाइतकाच चांगला आहे. पण मला हे देखील माहित आहे की भूराजनीती कशी कार्य करते? आपल्यासारख्या राष्ट्रवादींना या पुरस्कार सोहळ्यांपासून फारशी आशा नाही,” कंगना यांनी स्पष्ट केले.
कंगना राणावत दिग्दर्शित ‘इमर्जन्सी’ १७ जानेवारी रोजी चित्रपटगृहात प्रदर्शित होणार आहे. कंगना या चित्रपटात माजी पंतप्रधान इंदिरा गांधींची भूमिका साकारत आहे. त्यांच्यासोबत या चित्रपटात अनुपम खेर, श्रेयस तळपदे, विशाख नायर, मिलिंद सोमण, महिमा चौधरी आणि सतीश कौशिक यांच्याही महत्त्वाच्या भूमिका आहेत.
