राज्य सरकारने आर्थिकदृष्ट्या दुर्बल कुटुंबातील महिलांसाठी लाडकी बहीण योजना ( Ladki Bahin Yojana) सुरू केली आहे. ज्या कुटुंबांचे वार्षिक उत्पन्न २.५ लाखांपेक्षा कमी आहे, त्यातील महिलांना या योजनेचा लाभ मिळतो. या योजनेअंतर्गत महिलांच्या बँक खात्यात दर महिन्याला १,५०० रुपये जमा केले जातात. ही योजना जुलै २०२४ मध्ये सुरू झाली असून आतापर्यंत सात हफ्ते जमा झाले आहेत. मात्र, फेब्रुवारीचा हफ्ता अद्याप मिळालेला नव्हता, त्यामुळे महिलांमध्ये चिंता निर्माण झाली होती.
पण लाभार्थी महिलांसाठी एक आनंदाची बातमी आहे! राज्य सरकारने जाहीर केले आहे की ७ मार्च २०२५ पर्यंत फेब्रुवारी आणि मार्च महिन्याचे मिळून ३,००० रुपये लाभार्थी महिलांच्या बँक खात्यात जमा होतील. यामुळे महिलांना एकाच वेळी दोन महिन्यांचे पैसे मिळणार आहेत. महायुती सरकारने निवडणुकीपूर्वी या योजनेत दर महिन्याला २१०० रुपये देण्याचे आश्वासन दिले होते. सध्या चालू असलेल्या अर्थसंकल्पीय अधिवेशनात यावर निर्णय होण्याची शक्यता आहे. जर सरकारने मंजुरी दिली, तर महिलांना लवकरच दर महिन्याला २१०० रुपये मिळू शकतात.
महिला दिनाच्या पूर्वसंध्येला हा मोठा निर्णय घेतला गेला आहे. मंत्री आदिती तटकरे यांनी ट्विटद्वारे याची माहिती दिली असून ७ मार्चपर्यंत सर्व पात्र महिलांच्या खात्यात पैसे जमा होतील, असे त्यांनी सांगितले आहे.
लाडक्या बहिणींसाठी ही आनंदाची बातमी असून सरकार लवकरच अधिक मदत जाहीर करू शकते
