भारताने ऑपरेशन सिंदूरद्वारे (Mumbai Alert) पाकव्याप्त काश्मीर आणि पाकिस्तानमधील दहशतवादी छावण्यांवर हल्ला केल्यानंतर, पाकिस्तान घाबरलेल्या स्थितीत आहे आणि दोन दिवसांपासून भारतावर हल्ले करत आहे. तथापि, भारताने पाकिस्तानचे सर्व प्रयत्न हाणून पाडले आहेत आणि भारताने पाकिस्तानच्या प्रमुख शहरांवर भयंकर हल्ला केला आहे.
भारताने इस्लामाबादपासून कराची आणि लाहोरपर्यंत हल्ला केल्यानंतर पाकिस्तानची परिस्थिती थोडी बिकट झाली आहे. पाकिस्तानच्या कुरघोडी सुरूच आहे आणि पाकिस्तानविरुद्ध युद्ध सुरू झाल्यापासून, भारताने देखील एक महत्त्वाचा निर्णय घेतला आहे आणि देशभरात अलर्ट जारी केला आहे.(Mumbai Alert)
भारताने सीमावर्ती भागात ब्लॅकआउट लागू केले आहे. पंजाब, अंबाला, राजस्थान आणि हरियाणामधील गावांमध्ये ब्लॅकआउट करण्यात आले आहे. देशभरातील महत्त्वाच्या आणि संवेदनशील ठिकाणी सुरक्षा वाढवण्यात आली आहे. या पार्श्वभूमीवर, मुंबईच्या किनारी भागात सुरक्षा आणि गस्त वाढवण्यात आली आहे. सीसीटीव्ही आणि ड्रोनद्वारे संवेदनशील भागांवर लक्ष ठेवले जात आहे.
भारत आणि पाकिस्तानमधील वाढत्या तणावाच्या पार्श्वभूमीवर, मुंबईच्या किनारी भागात सुरक्षा सुनिश्चित करण्यासाठी पावले उचलली जात आहेत. या अंतर्गत, मुंबई पोलिसांनी भारतीय तटरक्षक दलाच्या समन्वयाने, समुद्रकिनारे, बंदरे, गोदी आणि सागरी मार्गांसह सर्व किनारी भागात गस्त वाढवली आहे. तसेच संवेदनशील भागांवर लक्ष ठेवण्यासाठी सीसीटीव्ही कॅमेरे आणि ड्रोनचा वापर केला जात आहे. महत्त्वाचे म्हणजे, भारत आणि पाकिस्तानमधील वाढत्या तणावाच्या पार्श्वभूमीवर, मुंबई पोलिसांनी ‘सागरी कवच’ नावाचे व्यापक तटरक्षक अभियान सुरू केले आहे. या उपक्रमांतर्गत, सागरी गस्त वाढविण्यात आली आहे.
तसेच, मच्छिमारांना सतर्क राहण्याचे आणि बोटींच्या हालचालींवर बारकाईने लक्ष ठेवण्याचे निर्देश देण्यात आले आहेत. मासेमारी बोटींच्या सर्व प्रवेश आणि निर्गमन मार्गांवर तपासणी वाढवण्यात आली आहे जेणेकरून कोणताही अनधिकृत व्यक्ती समुद्रमार्गे प्रवेश करू नये. सुरक्षेच्या कारणास्तव हे सर्व उपाय केले जात आहेत. भारत आणि पाकिस्तानमधील तणावाच्या पार्श्वभूमीवर, देशभरात दक्षता ठेवण्यात येत आहे.
