Rajan Salvi : शिवसेनेचे नेते राजन साळवी यांनी उद्धव ठाकरे यांची साथ सोडून एकनाथ शिंदे यांच्या गटात सामील होण्याचा निर्णय घेतला आहे. राजन साळवी हे उद्धव ठाकरे यांचे निकटवर्तीय मानले जात होते, पण आता त्यांनी “एकनाथ शिंदे हे माझे गुरु आहेत. एकनाथ शिंदेंच्या नेतृत्वात चांगलं काम करणार याची मला खात्री आहे” असे स्पष्ट केले आहे.
साळवी यांनी शिवसेनेतील सर्व पदांचा राजीनामा दिला आहे, त्यामुळे त्यांच्या शिंदे गटात जाण्याला अधिकृत मान्यता मिळाली आहे. त्यांनी आज दुपारी ३ वाजता एकनाथ शिंदे यांच्या उपस्थितीत प्रवेश केला आहे. हा निर्णय उद्धव ठाकरे यांच्यासाठी मोठा झटका मानला जात आहे.
दरम्यान, दिल्लीमध्ये एकनाथ शिंदे यांना ‘महादजी शिंदे पुरस्कार’ देऊन सन्मानित करण्यात आले, आणि हा सत्कार शरद पवार यांच्या हस्ते पार पडला. यामुळे उद्धव ठाकरे यांच्या शिवसेना आणि शरद पवार यांच्या राष्ट्रवादी काँग्रेसमध्ये वाद वाढल्याचे दिसून येत आहे.
तसेच, सुरेश धस हे आज पुन्हा एकदा अजित पवारांची भेट घेणार आहेत. दुसरीकडे, खासदार उदयनराजे भोसले यांनी केंद्रीय गृहमंत्री अमित शाह यांची भेट घेतली आणि महापुरुषांचा अपमान रोखण्यासाठी कठोर कायदे करण्याची मागणी केली आहे.
