तुम्ही रिटायर्ड आहात आणि आर्थिक स्थिरतेबद्दल काळजीत आहात का? तर ही योजना तुमच्यासाठी आहे. वरिष्ठ नागरिकांसाठी भारत सरकारने सुरू केलेली Senior Citizen Savings Scheme (SCSS 2025) ही एक सुरक्षित आणि फायदेशीर गुंतवणूक योजना आहे. २०२५ मध्ये ही योजना चांगल्या व्याजदर आणि इतर फायद्यांमुळे अनेक गुंतवणूकदारांचे लक्ष वेधून घेत आहे. चला, या योजनेची थोडक्यात माहिती जाणून घेऊया.
तुम्हाला सुरक्षित गुंतवणूक हवी आहे का? मग ही योजना तुमच्यासाठी उपयुक्त ठरू शकते! सरकारच्या हमीमुळे ती सुरक्षित आहे आणि तुम्हाला 8.2% वार्षिक व्याज मिळते. हा व्याजदर FD आणि इतर बचत योजनांपेक्षा जास्त आहे. सरकार दर तीन महिन्यांनी हा व्याजदर तपासते, त्यामुळे तुम्हाला अधिक चांगला परतावा मिळू शकतो.
तुम्ही पात्र आहात का?
- 60 वर्षांवरील नागरिक गुंतवणूक करू शकतात.
- 55-60 वर्षे वयोगटातील कर्मचारी (VRS किंवा सुपरअॅन्युएशन घेतलेले) पात्र आहेत.
- 50-60 वर्षे वयोगटातील सेवानिवृत्त संरक्षण कर्मचारी सहभागी होऊ शकतात.
- मात्र, NRI आणि Hindu Undivided Family (HUF) यांना गुंतवणूक करण्यास परवानगी नाही.
गुंतवणुकीसाठी किमान रक्कम ₹1,000, तर कमाल रक्कम ₹30 लाख आहे. योजना 5 वर्षांसाठी उपलब्ध असून 3 वर्षांसाठी वाढवता येते.
SCSS चे फायदे
- इतर पारंपरिक गुंतवणूक योजनांपेक्षा जास्त परतावा मिळतो.
- कलम 80C अंतर्गत ₹1.5 लाखांपर्यंत कर बचत मिळू शकते.
- सरकारद्वारे समर्थित असल्यामुळे तुमची गुंतवणूक सुरक्षित राहते.
- दर तिमाहीला व्याज जमा होत असल्याने तुम्हाला नियमित पैसे मिळतात.
- गरज पडल्यास दंड भरून पैसे काढण्याचा पर्याय उपलब्ध आहे.
SCSS खाते उघडण्याची प्रक्रिया
जवळच्या पोस्ट ऑफिस किंवा बँक शाखेत जा. आवश्यक दस्तऐवज, आधार कार्ड / PAN कार्ड (ओळखपत्र), पत्त्याचा पुरावा (आधार, पासपोर्ट इ.) वयाचा पुरावा, दोन पासपोर्ट-साईज फोटोजमा करा. किमान ₹1,000 गुंतवणूक करा. खाते उघडल्यानंतर पासबुक मिळेल. कलम 80C अंतर्गत ₹1.5 लाखांपर्यंत कर सूट मिळते. ₹50,000 पर्यंतचे वार्षिक व्याज करमुक्त असते.
जर तुम्हाला मुदतीपूर्वी पैसे काढायचे असतील, तर काही दंड आकारले जातात. 1 वर्ष पूर्ण होण्यापूर्वी पैसे काढता येत नाहीत. 1-2 वर्षांच्या आत पैसे काढल्यास 1% दंड आकारला जातो. 2 वर्षांनंतर पैसे काढल्यास 0.5% दंड आकारला जातो.
