स्मरणशक्ती वाढवते आणि मेंदूला ताकद देते
थंडाईमध्ये बदाम, खसखस, चारोळी आणि इतर सुका मेवा असतो, जो मेंदूचे कार्य सुधारतो. यामध्ये ओमेगा-३ फॅटी अॅसिड, झिंक, जीवनसत्त्वे आणि प्रथिने मुबलक प्रमाणात असतात. यामुळे स्मरणशक्ती सुधारते आणि एकाग्रता वाढते. विद्यार्थ्यांसाठी आणि बौद्धिक काम करणाऱ्या व्यक्तींसाठी हे पेय खूप फायदेशीर ठरू शकते.

शरीराचे तापमान नियंत्रित ठेवते
उन्हाळा सुरू होताच शरीरातील उष्णता वाढते आणि अशा वेळी थंडाई खूप उपयुक्त ठरते. यामध्ये बडीशेप, गुलाब पाणी, खसखस आणि वेलची असते, जे शरीराला थंडावा देते. यामुळे उष्माघात (Heat Stroke), घाम जास्त येणे, डिहायड्रेशन यांसारख्या समस्यांपासून बचाव करता येतो.

होळी सणासाठी मुंबई पोलिसांचे विशेष नियम

पचन सुधारते आणि बद्धकोष्ठतेपासून आराम देते
उन्हाळ्यात अपचन, गॅस, अॅसिडिटी आणि बद्धकोष्ठता यांसारख्या समस्यांचा त्रास होतो. थंडाईमध्ये टाकले जाणारे खसखस, बडीशेप आणि गुलाबाच्या पाकळ्या पचनसंस्थेसाठी फायदेशीर असतात. हे घटक पोटाला गारवा देतात, गॅस्ट्रिक समस्या दूर करतात आणि अन्न नीट पचण्यास मदत करतात.

रोगप्रतिकार शक्ती वाढवते
थंडाईमध्ये असलेल्या सुकामेव्यामुळे शरीराला आवश्यक पोषण मिळते आणि रोगप्रतिकारक शक्ती सुधारते. नियमित सेवन केल्याने शरीर विषाणू आणि बॅक्टेरियांच्या हल्ल्यांपासून संरक्षण करते. त्यामुळे सर्दी, खोकला, ताप यांसारख्या संसर्गजन्य रोगांचा धोका कमी होतो.

मध्य रेल्वेची होळी स्पेशल ट्रेन, ३४ अनारक्षित गाड्या प्रवाशांच्या सेवेत

ओव्हरइटिंग (अतिखाणे) टाळण्यास मदत करते
होळीच्या दिवशी गोड आणि तळलेले पदार्थ जास्त खाल्ल्याने पचन बिघडू शकते. थंडाई हे नैसर्गिकरीत्या पचनास मदत करणारे पेय असल्यामुळे जास्त खाण्याची इच्छा कमी होते. थंडाई प्यायल्याने पोट भरल्यासारखे वाटते आणि वजन नियंत्रणात ठेवण्यास मदत होते.

शक्ती आणि ऊर्जा वाढवते
थंडाईमध्ये भरपूर प्रथिने, कॅल्शियम आणि फायबर असते. हे घटक शरीराला ऊर्जा देतात आणि दिवसभर स्फूर्ती टिकवून ठेवतात. विशेषतः उन्हाळ्यात थकवा आणि अशक्तपणा जाणवत असल्यास थंडाई फायदेशीर ठरू शकते.